საქართველოს ხელბურთელთა ნაკრები ევროპის ჩემპიონატისთვის ემზადება და ამხანაგური მატჩი ჩაატარა სლოვაკეთის ნაკრებთან ტურნირზე, რომელიც ამავდროულად კარპატების თასის სტატუსს ატარებს.

ტიტე კალანდაძის გუნდმა მეტოქეს 32:27 აჯობა. საუკეთესო გიორგი ცხოვრებაძე იყო, რომელმაც 10 გოლი გაიტანა, ხოლო ერეკლე არსენაშვილმა თავის გამოჩენა 8 გოლით მოახერხა.

საქართველოს ნაკრები კარპატების თასის ფინალში დღეს რუმინეთის ნაკრებს დაუპირისპირდება.

შეგახსენებთ, რომ ევროპის ჩემპიონატი გერმანიაში იანვარში გაიმართება, საქართველოს ნაკრების მეტოქეები კი ჯგუფურ ეტაპზე შვედეთის, ნიდერლანდებისა და ბოსნიის ნაკრებები არიან.