„ბაიერნი" „ბარსელონას" ურუგვაელი მცველით, რონალდ არაუხოთი დაინტერესდა - წერს ტვიტერზე ჟურნალისტი ფლორიან პლეტენბერგი.

წყაროს ცნობით, „ბაიერნის“ მთავარი მწვრთნელი, თომას ტუხელი, არაუხოთი პირადადაა დაინტერესებული. ამავდროულად, „ბარსელონას“ სურს, ფეხბურთელი განაცხადში შეინარჩუნოს.

შეგახსენებთ, რომ არაუხო „ბარსელონაში“ 2020 წლიდან თამაშობს. ფეხბურთელის კონტრაქტი კლუბთან 2026 წლამდეა ძალაში. მიმდინარე სეზონში ფეხბურთელმა ყველა ტურნირზე 11 მატჩში მიიღო მონაწილეობა, რომლებშიც ერთი გოლი გაიტანა.