ლიონელ მესიმ ბრაზილიასთან გამარჯვების (1:0) შემდეგ სოციალურ ქსელში პოსტი გამოაქვეყნა.

მატჩის წინ შეტაკება მოხდა ორივე გუნდის ფანებსა და პოლიციას შორის. ტრიბუნებზე არეულობის გამო თამაშის დაწყებაც შეფერხდა, რასაც მესი გამოეხმაურა:

„ეს გუნდი აგრძელებს ისტორიის წერას. დიდი გამარჯვება „მარაკანაზე“, თუმცა, ბრაზილიაში კიდევ ერთხელ იყო არგენტინელთა რეპრესიები. ამის მოთმენა შეუძლებელია, სიგიჟეა და უნდა დასრულდეს“, - დაწერა მესიმ.

შეგახსენებთ, რომ ბრაზილიის ნაკრებმა ზედიზედ მესამე თამაში წააგო, მსოფლიოს ჩემპიონატის საკვალიფიკაციო ეტაპის მატჩი კი საკუთარ მოედანზე ისტორიაში პირველად დათმო.