გაბრი ვეიგა, რომელმაც გასულ ზაფხულს 21 წლის ასაკში საუდის არაბეთში კარიერის გაგრძელება გადაწყვიტა, რამაც დიდი ხმაური გამოიწვია, შესაძლოა „სელტაში“ დაბრუნდეს.
ესპანური მედიის ცნობით, ახალგაზრდა ნახევარმცველი ძალიან უკმაყოფილოა „ალ-აჰლიში“ თავისი მდგომარეობით, ვერ შეეგუა გარემოს და გუნდს უკვე დაშორდა. ინფორმაცია ჯერ ოფიციალურად არ დადასტურებულა.
როგორც ცნობილი ხდება, ვეიგა მზადაა იჯარით ვიგოს „სელტაში“ დაბრუნდეს, საიდანაც „ალ-აჰლიში“ გადავიდა. ესპანელმა გასულ ზაფხულს არაბული კლუბი „ნაპოლის“ ამჯობინა.
