სამხრეთ აფრიკის ნაკრები მსოფლიოს ჩემპიონია, რომელმაც ტიტულის შენარჩუნება მოახერხა.

აფრიკელებმა დრამატულ ფინალში ახალი ზელანდიის ნაკრებს 12:11 აჯობა. პირველ ტაიმში სამხრეთ აფრიკა 12:6 დაწინაურდა 4 ჯარიმის წყალობით, რასაც „ოლ ბლექსმა“ 2 ჯარიმით უპასუხა.

მეორე ნახევარში ზელანდიელებმა ლელო გაიტანეს, მაგრამ ვერ გარდასახეს და სწორედ ეს გამოდგა გადამწყვეტი. აღსანიშნავია, რომ „სპრინბოქსმა“ ფინალი ისე მოიგო, რომ ლელო ვერ დადო.

სამხრეთ აფრიკის ნაკრები მსოფლიოს ჩემპიონი ზედიზედ მეორედ, ისტორიაში კი მეოთხედ გახდა, რაც სარეკორდო მაჩვენებელია.