მოჰამედ სალაჰმა ტიერი ანრის რეკორდი გააუმჯობესა. ეგვიპტელმა ევროპა ლიგაზე ფრანგულ „ტულუზთან“ თავი გამოიჩინა და ევროთასებზე „ლივერპულის“ მაისურით 43-ე გოლი გაიტანა.

როგორც Opta იტყობინება, ამაზე მეტი გოლი ევროტურნირებზე ინგლისური კლუბების მაისურით არცერთ ფეხბურთელს არ გაუტანია. სალაჰმა ტიერი ანრის რეკორდი მოხსნა, რომლის აქტივში 42 გოლი იყო.

შეგახსენებთ, რომ „ლივერპულმა“ „ტულუზი“ 5:1 გაანადგურა და ჯგუფს სამი ტურის შემდეგ 9 ქულით ლიდერობს.