ახალი ზელანდიის ნაკრები მსოფლიოს ჩემპიონატის ფინალშია. „ოლ ბლექსმა“ დაამტკიცა, რომ მისი ჩამოწერა არასდროს შეიძლება.

არადა, ტურნირის წინ ზელანდიას მთავარ ფავორიტებში ბევრი არ მოიაზრებდა, მაგრამ ფაქტი უტყუარია! არგენტინასთან ნახევარფინალში ახალ ზელანდიას პრობლემა არ ჰქონია, რაც უკვე მოსალოდნელი იყო.

არგენტინამ მხოლოდ ორი ჯარიმა გაიტანა, მეტი ვერაფერი შეძლო ფინალში გადასასვლელ შეხვედრაში. სამაგიეროდ, „ოლ ბლექსი“ მთელი თამაშის განმავლობაში დომინირებდა და 44:6 იმარჯვა.

ახალი ზელანდიის ნაკრები მსოფლიოს ჩემპიონატის ფინალში ინგლისისა და სამხრეთ აფრიკის წყვილში გამარჯვებულს შეხვდება. მეორე ნახევარფინალი 21 ოქტომბერს გაიმართება.

არგენტინა - ახალი ზელანდია 6:44 (6:20)