ცნობილმა ამერიკელმა კალათბურთელმა ანდრე იგუდალამ კარიერა დაასრულა. ამის შესახებ განცხადება 39 წლის მოთამაშემ თავად გააკეთა.

იგუდალა NBA-ს 4-გზის ჩემპიონია 2015, 2017, 2018 და 2022 წლებში. ის „გოლდენ სტეიტ უორიორზში“ ზაზა ფაჩულიას თანაგუნდელიც იყო. სწორედ „მეომრებში“ მოიგო მან ოთხივე საჩემპიონო ბეჭედი.

გარდა ამისა, იგუდალა არის მსოფლიოს ჩემპიონი (2010 წელს) და ოლიმპიური ჩემპიონი (2012 წელს). „გოლდენ სტეიტის“ გარდა, ანდრე „ფილადელფიას“, დენვერისა“ და „მაიამის“ ღირსებას იცავდა.