ბრაზილიელმა ფეხბურთელმა ნეიმარმა სოციალურ ქსელში 2026 წლის მსოფლიო ჩემპიონატის შესარჩევ მატჩში ურუგვაისთან (0:2) მიღებული მძიმე ტრავმის შესახებ შეტყობინება დატოვა.
„ეს არის ძალიან სამწუხარო მომენტი, ყველაზე ცუდი ჩემს ცხოვრებაში. ვიცი, რომ ძლიერი ვარ, მაგრამ ამჯერად ძალიან დამჭირდება ოჯახისა და მეგობრების მხარდაჭერა.
ადვილი არ არის დაზიანებებისა და ოპერაციების გავლა, წარმოიდგინეთ, რომ გამოჯანმრთელდით დიდი ხნის განმავლობაში და ოთხი თვის შემდეგ კვლავ გაივლით ამ ყველაფერს.
დიდი რწმენა მაქვს...
ღმერთს ვაძლევ ჩემს ძალას, რათა მან განაახლოს იგი.
მადლობა მხარდაჭერისთვის და კეთილი სიტყვებისთვის“, - წერს ნეიმარი.
მანამდე გავრცელდა ინფორმაცია, რომ ნეიმარს დაუდასტურდა, წინა ჯვარედინი ლიგატების ტრავმა და მუხლის მენისკის მოწყვეტა, მას ოპერაცია ჩაუტარდება, შემდეგ კი რეაბილიტაციის კურსი.
