ანტონიო კონტე იმ ჭორებს გამოეხმაურა, რომლის მიხედვით ის რუდი გარსიას შეცვლის და „ნაპოლის“ მთავარი მწვრთნელი გახდება. როგორც მან თქვა, ის ამ ეტაპზე მხოლოდ დასვენებაზე და დროის ოჯახთან ერთად გატარებაზე ფიქრობს.
„მესმის დაჟინებული ჭორები, რომლებიც მაკავშირებენ კარგ კლუბთან, მაგრამ ვიმეორებ, რომ ჯერ მხოლოდ ოჯახთან ერთად ყოფნის და მათთან ერთად ტკბობის სურვილი მაქვს“, - დაწერა კონტემ სოციალურ ქსელში.
შეგახსენებთ, რომ ანტონიო კონტე გასული სეზონიდან მოყოლებული თავისუფალია, როდესაც ლონდონის „ტოტენჰემი“ დატოვა.
