რაგბიში მსოფლიოს ჩემპიონატის ჯგუფური ეტაპი დიდი სენსციით დასრულდა - პორტუგალიამ ფიჯი დაამარცხა!

პორტუგალიის ნაკრებმა ისტორიაში პირველი ქულა მსოფლიო თასზე საქართველოსთან მოიპოვა, მაგრამ ეს ლუზიტანელთა მაქსიმუმი არ გამოდგა, რადგან პირველი თამაშიც მოიგეს.

პორტუგალია ფიჯის მედგრად დაუდგა, არაფერში ჩამორჩა და 78-ე წუთზე ლელოც დაუდო, რომელიც ზუსტად გარდასახეს და ამის ხარჯზე 24:23 სძლიეს მეტოქეს.

ფიჯი მარცხის მიუხედავად 11 ქულით ჯგუფში მეორე ადგილზე გავიდა და შესაბამისად, მეოთხედფინალის საზგურიც მოიპოვა. აი, პორტუგალიის გამარჯვება კი იმას ნიშნავს, რომ საქართველოს ნაკრებმა ჯგუფში 1 ფრით, 3 მარცხით და 3 ქულით ბოლო ადგილი დაიკავა... თვითონ პორტუგალიას 6 ქულით მეოთხე ადგილი ერგო.

მსოფლიოს ჩემპიონატის მეოთხედფინალური წყვილები ასეთია:

უელსი - არგენტინა (14 ოქტომბერი)

ირლანდია - ახალი ზელანდია (14 ოქტომბერი)

საფრანგეთი - სამხრეთ აფრიკა (15 ოქტომბერი)

ინგლისი - ფიჯი (15 ოქტომბერი)