არგენტინის ნაკრები მსოფლიოს ჩემპიონატის მეოთხედფინალში გავიდა. D ჯგუფის ბოლო ტურში სამხრეთამერიკელებმა უშუალო კონკურენტი იაპონია ფინალის ტოლფას შეხვედრაში, ძალიან დაძაბულ ბრძოლაში 39:27 დაამარცხეს.

იაპონია ბოლო წუთამდე მედგრად იბრძოდა, მეტოქეს არაფერი დაუთმო, მაგრამ ზედიზედ მეორე მსოფლიო თასზე ჯგუფიდან ვერ გავიდა. სამაგიეროდ, იაპონიამ 2 მოგებით და 2 წაგებით ჯგუფში მესამე ადგილი დაიკავა, რითაც მომდევნო მსოფლიო თასზე კვალიფიცირება ავტომატურად მოახერხა.

არგენტინის ნაკრები კი 2015 წლის შემდეგ დაუბრუნდა პლეი-ოფის სტადიას და მეხუთედ ითამაშეს მეოთხედფინალში.

იაპონია - არგენტინა 27:39 (14:15)

უკვე ცნობილია სამი მეოთხედფინალური წყვილი, გასარკვევია ინგლისის ნაკრების მეტოქე, რომელიც თუ რაიმე სასწაული არ მოხდა, ფიჯი იქნება.

ირლანდია - ახალი ზელანდია

საფრანგეთი - სამხრეთ აფრიკა

უელსი - არგენტინა