მადრიდის „რეალისა“ და საფრანგეთის ნაკრების ნახევარმცველი, ედუარდო კამავინგა, მადრიდულ კლუბთან გაუმჯობესებული პირობებით ახალ კონტრაქტს მოაწერს ხელს - წერს Relevo.
წყაროს ცნობით, მიმდინარე შეთანხმების გახანგრძლივებაზე მოლაპარაკებები, რომელსაც ვადა მხოლოდ 2027 წელს ეწურება, სრული დატვირთვით მიმდინარეობს. კლუბსა და ფეხბურთელის წარმომადგენლებს შორის პირველი კონტაქტები აპრილში შედგა და ახლა მხარეები შეთანხმების მიღწევასთან ახლოს არიან. სავარაუდოდ, კამავინგა ახალ კონტრაქტს ხელს ძალიან მალე მოაწერს.
