მარსელის „ოლიმპიკის“ მთავარ მწვრთნელად ჯენარო გატუზო დაინიშნა. ინფორმაცია ოფიციალურად დადასტურდა.

იტალიელმა სპეციალისტმა ფრანგებთან კონტრაქტი უკვე გააფორმა და მარსელინო ტორალი შეცვალა, რომელმაც კლუბი რამდენიმე დღის წინ დატოვა.

აღსანიშნავია, რომ გატუზოს მანამდე „ლიონს“ უკავშირებდნენ, მაგრამ „ლომები“ საბოლოოდ ფაბიო გროსომ ჩაიბარა.

შეგახსენებთ, ჯენარო გატუზო ბოლოს „ვალენსიაში“ მუშაობდა, მანამდე კი „ნაპოლის“, „მილანის“, „პიზას“, „ოფის“, „პალერმოს“ და „სიონის“ მწვრთნელი იყო.