მარსელინო ტორალმა მარსელის „ოლიმპიკის“ მთავარი მწვრთნელის თანამდებობა დატოვა. ინფორმაცია ოფიციალურად დადასტურდა.

ესპანელის წასვლის მიზეზი არასაფეხბურთოა: როგორც ფრანგული მედია წერს, „მარსელის“ პრეზიდენტ პაბლო ლონგორიას მარსელინოს გამო კლუბის ულტრასების დაჯგუფება ემუქრებოდა, ზეწოლის შედეგად კი ესპანელს გადადგომა მოუწია.

„მარსელს“ დროებით ჟაკ აბარდონადო გაწვრთნის, სწორედ ის უხელმძღვანელებს ფრანგულ კლუბს 21 სექტემბერს, ევროპა ლიგაზე „აიაქსის“ წინააღმდეგ.

„მარსელი“ 5 ტურის შემდეგ ლიგა 1-ში 9 ქულით მეოთხე ადგილზეა.