რაგბიში მსოფლიო თასი განახლდა და სტარტი მეორე ტურმა აიღო, რომლის პირველ შეხვედრაში მასპინძელმა საფრანგეთის ნაკრებმა ურუგვაი დაამარცხა.

ახალ ზელანდიასთან მოგების შემდეგ ფრანგებმა სამხრეთამერიკელებთან გადახალისებული შემადგენლობით ითამაშეს, რადგან იოლ მოგებას იმედოვნებდნენ, მაგრამ ურუგვაიმ მეტოქეს საკმაოდ ჯეროვანი წინააღმდეგობა გაუწია.

კარგა ხნის განმავლობაში ურუგვაი საბრძოლო ანგარიშით აგებდა, საბოლოოდ კი 12:27 დამარცხდა. საფრანგეთმა მოიგო, მაგრამ ბონუს ქულის გარეშე.

საფრანგეთის ნაკრები 8 ქულით ჯგუფში ლიდერია, ურუგვაისთვის ეს პირველი მატჩი იყო მიმდინარე მსოფლიოს თასზე და 0 ქულა აქვს.