ნეაპოლელი ჟურნალისტი კარლო ალვინო ხვიჩა კვარაცხელიას კონტრაქტის საკითხს და ხელფასის შესაძლო განახლებას გამოეხმაურა.
როგორც მან თქვა, ქართველი ფეხბურთელი მაღალ ხელფასს იმსახურებს, მაგრამ ის ფაქტი, რომ „ნაპოლის“ სერია A-ს საუკეთესო ფეხბურთელი წელიწადში მხოლოდ მილიონზე მეტი უჯდება, თავისთავად გენიალური შედეგია.
„ნაპოლისა“ და კვარაცხელიას აგენტებს შორის ურთიერთობა კარგია, ქართველს ხანგრძლივი კონტრაქტი აქვს. „ნაპოლისთვის“ პრობლემა არ არსებობს, ისევე, როგორც ფეხბურთელის ინტერესების დამცველებისთვის. განახლება თავის დროზე მოხდება. კვარამ სერია A-ში პირველივე სეზონში დაამტკიცა, რომ შესანიშნავია. თუ ვინმე უნდა გავაკრიტიკო, მის აგენტებს გავაკრიტიკებ, რომლებმაც ალბათ ბიჭის თვითონაც ვერ დაიჯერეს იმ დონემდე, რომ ადამიანური ხელფასი თავიდანვე მოეთხოვათ. ცოტა მეტი რომ დაეჯერებინათ კვარას შესაძლებლობების, ალბათ „ნაპოლისგან“ მაღალ ხელფასს თავიდანვე მოითხოვდნენ.
„ნაპოლიში“ ფეხბურთი კარგად იციან, ისინი გენიალურად მოიქცნენ. ჩემპიონატის საუკეთესო ფეხბურთელის ამ ხელფასით ყოლა გენიალური შედეგია. ეჭვს არ იწვევს, რომ ბიჭი უფრო მეტს იმსახურებს, მაგრამ „ნაპოლი“ აწესებს წესებს და განახლება მოხდება მაშინ, როცა საჭირო იქნება“, - თქვა ალვინომ.
