სამხრეთ კორეაში მიმდინარე მსოფლიო თასზე პარა ფარიკაობაში ნინა თიბილაშვილმა ვერცხლი და ირმა ხეცურიანმა ბრინჯაო მოიპოვა.

პარა ფარიკაობაში ბუსანში მიმდინარე ტურნირზე, ხმლით ასპარეზობაში თიბილაშვილმა მეოთხედფინალში მოუგო იაპონელ შინო კავაის ანგარიშით 15:6, ნახევარფინალში დაამარცხა იტალიელი ლორენადა ტრიჯილიასი 15:7, ფინალში ბრძოლა დათმო პოლონელ კინგა დროჟდთან ანგარიშით 15:9 და ვერცხლის მედლის მფლობელი გახდა.

შეგახსენებთ, ამავე ტურნირზე ნინა თიბილაშვილმა რაპირით ასპარეზობაში ბრინჯაოს მედალი აიღო.

დღესვე, ირმა ხეცურიანმა ხმლით ფარიკაობაში ბრინჯაოს მედალი მოიპოვა. ხეცურიანმა მერვედფინალში კორეელი პარამოფარიკავე დაამარცხა ანგარიშით 15:2 , მეოთხედფინალში უკრაინელ მოწინააღმდეგესთან 15:14 იმარჯვა, ნახევარფინალში უნგრელ მეცო ბოლგარკასთან ანგარიშით 9:15 დათმო ბრძოლა და ბრინჯაოს მედლის მფლობელი გახდა.