დასრულდა საუდის არაბეთის ჩემპიონატის მე-5 ტურის მატჩი, რომელშიც „ალ-ჰაზმმა“ „ალ-ნასრს“ უმასპინძლა და 1:5 დამარცხდა.

„ალ-ნასრიდან“ გოლები აბდულრაჰმან ღარიბმა, აბდულა ალ-ჰაიბარმა, ოტავიომ, კრიშტიანუ რონალდუმ და სადიო მანემ გაიტანეს. რონალდუმ ასევე ორი საგოლე გადაცემა მიითვალა. მასპინძლებმა მოჰამედ ბადამოსის ზუსტი დარტყმით უპასუხეს.

საუდის არაბეთის ჩემპიონატის მიმდინარე სეზონში „ალ-ჰაზმი“ სატურნირო ცხრილში ბოლო, მე-18 ადგილზეა. მათ ხუთ მატჩში მხოლოდ ორი ქულა მოაგროვეს. „ალ-ნასრი“ მეექვსე საფეხურზე დგას., გუნდმა ორი მარცხით დაიწყო, მაგრამ მოგვიანებით სამი გამარჯვება მოიპოვა.