მილანის „ინტერმა“ მიუნხენის „ბაიერნიდან“ საფრანგეთის ნაკრების მცველი ბენჟამინ პავარი დაიმატა. ინფორმაცია ოფიციალურად დადასტურდა.

პავარმა „ნერაძურისთან“ 5-წლიანი კონტრაქტი გააფორმა და სეზონში 5 მილიონ ევროს გამოიმუშავებს, ხოლო „ბაიერნმა“ მის სანაცვლოდ 30 მილიონი ევრო მიიღო.

ბენჟამინ პავარი „ბაიერნში“ 2019 წლიდან თამაშობდა და 163 მატჩში 12 გოლი გაიტანა, მანამდე ის „ლილის“ და „შტუტგარტის“ წევრი იყო.