ირვინგ ლოზანო „ნაპოლის“ დატოვებს და პსვ ეინდჰოვენში დაბრუნდება. როგორც იტალიური მედია წერს, ყველაფერი გადაწყვეტილია.

მექსიკელი სამედიცინო შემოწმებას ხვალ გაივლის და შემდეგ ნიდერლანდურ გუნდთან კონტრაქტს გააფორმებს. „ნაპოლი“ ირვინგის სანაცვლოდ 15 მილიონ ევროს მიიღებს.

ლოზანო „ნაპოლიში“ 2019 წლიდან თამაშობდა და 155 მატჩში თავი 30 გოლით და 15 საგოლე პასით გამოიჩინა. მექსიკელი პსვ-ში 2017-2019 წლებში ირჯებოდა და 79 შეხვედრაში 40 გოლი გაიტანა.