ყოფილმა სპორტულმა დირექტორმა და საფეხბურთო აგენტმა ენრიკო ფედელემ განაცხადა, რომ რუდი გარსია ხვიჩა კვარაცხელიას ძირითად შემადგენლობაში ამ ეტაპზე არ მოიაზრებს, ამიტომაც არ იყო ქართველი „სასუოლოსთან“ მოედანზე პირველი წუთიდან და არა იმიტომ, რომ მზად არ იყო.

„გარსიამ სიცრუე თქვა, როდესაც კვარაცხელიას ძირითადში არყოფნის მიზეზად გამოტოვებული ვარჯიშები დაასახელა. მისნაირი ბიჭი ცალი ფეხითაც თამაშობს. სიმართლე ისაა, რომ ის ძირითადში იმიტომ არ ჰყავდა, რომ აქ რასპადორის კვანძია. „ნაპოლიმ“ სქემა უნდა შეცვალოს, რათა ჯაკომოსთვის მოედანზე უფრო სტაბილური ადგილი აღმოაჩინოს. მიჩვეული ვარ პირდაპირი ვიყო და ვთქვა ის, რასაც ვფიქრობ, ჩემი აზრით, ასეთი სიტუაციაა“, - თქვა ფედელემ.

შეგახსენებთ, რომ ხვიჩა კვარაცხელიამ „სასუოლოსთან“ (2:0) 30 წუთი ითამაშა მიმდინარე სეზონში პირველი საგოლე პასი გააკეთა.