მადრიდის „რეალმა“ ტიბო კურტუა შეცვალა და კეპა არისაბალაგას ტრანსფერი ოფიციალურად დაადასტურა. ესპანელი კიპერი „სამეფო კლუბს“ ლონდონის „ჩელსიდან“ ერთწლიანი იჯარით შეუერთდა. მადრიდელებს მისი გამოსყიდვის უფლება არ ექნებათ.

აღსანიშნავია, რომ „რეალს“ იჯარით გიორგი მამარდაშვილის დამატება სურდა, თუმცა, „ვალენსიას“ პრეზიდენტმა პეტერ ლიმმა ქართველის იჯარით გაშვებაზე უარი პირადად თქვა. ამის შემდეგ მადრიდელები კეპას ვარიანტზე გადავიდნენ და მიზანსაც მიაღწიეს.

ახლა „ჩელსის“ მოუწევს კეპას შეცვლა. ინგლისელებმა ცოტა ხნის წინ რობერტ სანჩესი იყიდეს, მაგრამ მან ედუარ მენდი შეცვალა, ესპანელი კი „არისტოკრატებს“ შესაცვლელი ჰყავთ. ისიც სათქმელია, რომ არისაბალაგა „ბაიერნში“ გადასვლასთან ახლოს იყო, მაგრამ როგორც გერმანული კლუბის პრეზიდენტმა თქვა, მას შემდეგ, რაც კეპას „რეალის“ ვარიანტი გამოუჩნდა, სამშობლოში დაბრუნება ამჯობინა. ამრიგად, მეკარეს გერმანული გრანდიც ეძებს.

კეპამ კარიერა „ბილბაოში“ დაიწყო, იყო „ვალიადოლიდშიც“, ხოლო „ჩელსის“ 2018 წელს შეუერთდა და 163 მატჩში მიიღო მონაწილეობა.