ვეტერანმა ურუგვაელმა ფეხბურთელმა დიეგო გოდინმა საფეხბურთო კარიერა დაასრულა. ამის შესახებ განცხადება მან „ველეს სარსფილდისა“ და „ურაკანის“ თამაშის შემდეგ გააკეთა.

გოდინის კარიერა „სეროში“ დაიწყო, სადაც 64 მატჩში 6 გოლი გაიტანა. შემდეგ ის „ნასიონალში“ იყო ერთი სეზონით (46 მატჩი, 2 გოლი), მერე კი ევროპული კარიერა დაიწყო, სადაც „ვილიარეალის“ (116 ამაში, 4 გოლი), „ატლეტიკოს“ (389 მატჩი, 27 გოლი), „ინტერის“ (36 მატჩი, 2 გოლი) და „კალიარის“ ღირსება დაიცვა (40 შეხვედრა, 1 გოლი).

გოდინი ასევე თამაშობდა „ატლეტიკო მინეიროში“ (9 მატჩი, 1 გოლი) და „ველეს სარსფილდში“ (21 თამაში, 1 გოლი). ურუგვაის ნაკრებში 161 მატჩით რეკორდსმენია და 8 გოლის გატანა შეძლო.