პიოტრ ჟელინსკი „ნაპოლისთან“ კონტრაქტს გაახანგრძლივებს. უცნაურია, მაგრამ ეს ინფორმაცია „ლაციოს“ პრეზიდენტმა კლაუდიო ლოტიტომ გაავრცელა.

მოგეხსენებათ, „ლაციო“ იყო დაინტერესებული პოლონელი ფეხბურთელით, თუმცა მან ნეაპოლში დარჩენა გადაწყვიტა. „მან „ნაპოლისთან“ კონტრაქტის განახლება გადაწყვიტა იმაზე დაბალ ხელფასად, ვიდრე ჩვენ ვთავაზობდით“, - უთხრა იტალიურ მედიას ლოტიტომ.

ჟელინსკის „ნაპოლისთან“ კონტრაქტი გაისად ეწურება, მაგრამ როგორც ჩანს, მის გახანგრძლივებაზე თანხმობა უკვე განაცხადა.

29 წლის ფეხბურთელი „ნაპოლიში“ 2016 წლიდან თამაშობს და 329 შეხვედრაში 47 გოლი აქვს გატანილი. მანამდე ის „უდინეზესა“ და „ემპოლის“ ღირსებას იცავდა.