მილანის „ინტერის“ თავდამსხმელის ლაუტარო მარტინესის გადაბირება საუდის არაბეთში სურთ. არ სახელდება კონკრეტული კლუბი, მაგრამ ამის შესახებ TyC Sports-ი იტყობინება.

წყაროს თანახმად, არგენტინელ თავდამსხმელს 4-წლიან კონტრაქტს სთავაზობენ, რომლის სანაცვლოდ წელიწადში 60 მილიონ ევროს მიიღებს. თუმცა, გასაოცარი ანაზღაურების მიუხედავად, ლაუტაროს არ სურს „ინტერის“ დატოვება და ჯერჯერობით, მხარეებს მოლაპარაკებებიც არ დაუწყიათ.

შეგახსენებთ, რომ ლაუტარო მარტინესი „ინტერში“ 2018 წლიდან თამაშობს და ამ პერიოდში 238 მატჩში 102 გოლი გაიტანა. მანამდე ის სამშობლოში, „რასინგის“ ღირსებას იცავდა.