„პარი სენ-ჟერმენმა“ იტალიელი ტალანტი შერ ნდური დაიმატა. ის ბოლოს „ბენფიკაში“ ირიცხებოდა, მაგრამ პარიზში უფასოდ გადავიდა.
18 წლის ფეხბურთელმა პარიზელებთან 5-წლიანი კონტრაქტი გააფორმა და 27-ნომრიანი მაისურით ითამაშებს.
„ძალიან აღელვებული, მაგრამ ბედნიერი ვარ. პირველ რიგში იმიტომ, რომ „პარი სენ-ჟერმენი“ მსოფლიოში ერთ-ერთი საუკეთესო კლუბია და ჩემთვის პატივის აქ ყოფნა და ამ ოჯახის ნაწილი ვიყო“, - თქვა 18 წლის იტალიელმა.
ნდური 2004 წელს ბრეშაში დაიბადა და ფეხბურთის თამაშიც იქ დაიწყო, შემდეგ „ატალანტას“ აკადემიაში იყო, ხოლო 2020 წელს „ბენფიკას“ შეუერთდა. მას პორტუგალიელებთან კონტრაქტი ამოეწურა, შესაბამისად, პსჟ-ში უფასოდ გადავიდა.
შერ ნდური იტალიის ასაკობრივი ნაკრებების წევრიცაა, ერთხელ რობერტო მანჩინიმ ეროვნული ნაკრების საწვრთნელ შეკრებაზეც იხმო, მაგრამ „სკუადრა აძურაში“ ჯერ დებიუტი არ ჰქონია.
