„ლივერპულმა“ „ლაიფციგისა“ და უნგრეთის ნაკრების ნახევარმცველის, დომინიკ შობოშლაის ტრანსფერზე შეთანხმებას მიაღწია.

Sky Sports-ის ცნობით, ინგლისელები 22 წლის ფეხბურთელში 70 მილიონ ევროს გადაიხდიან, რაც მისი გამოსასყიდი ფასია, შესაბამისად, „ენფილდზე“ დომინიკის გადაბირებას შეძლებენ. ჯერჯერობით, უცნობია პირადი კონტრაქტის დეტალები.

დომინიკ შობოშლაი „ლაიფციგში“ 2021 წლიდან თამაშობდა და 91 შეხვედრაში 20 გოლი გაიტანა. მანამდე ის „ლიფერინგისა“ და „ზალცბურგის“ წევრი იყო.