პოლონეთში მიმდინარე მესამე ევროპულ თამაშებზე ქართველმა მოკრივემ ლაშა გურულმა მეოთხედფინალურ შეხვედრაში ბულგარელი მეტოქე დაამარცხა და ნახევარფინალში იასპარეზებს.
ლაშა გურულმა ამ მნიშვნელოვანი გამარჯვებით მოიპოვა 2024 წლის პარიზის ოლიმპიური თამაშების ლიცენზია, გარდა ამისა, ევროპულ თამაშებზე მინიმუმ ბრინჯაოს მედალი გაინაღდა.
მან მეოთხედფინალამდე ესპანელი და სლოვაკი მეტოქეები დაამარცხა. ნახევარფინალში გურული 30 ივნისს, უნგრელ რიჩარდ კოვაჩს დაუპირისპირდება.
საქართველოს ნაკრების აქტივში ევროპულ თამაშებზე 2 ოქროს, 1 ვერცხლის და 2 ბრინჯაოს მედალია. გარდა ამისა, მედალი განაღდებული აქვს გურულსაც, ოღონდ გასარკვევია, რომელი სინჯის მედალი იქნება.
