საქართველოს ხელბურთელთა ნაკრები ევროპის ჩემპიონატზე ისტორიაში პირველად ითამაშებს და უკვე ცნობილია მეტოქეები, რომელსაც ჯგუფურ ეტაპზე შეხვდება.

წილისყრის შედეგად, საქართველო E ჯგუფში მოხვდა, სადაც შვედეთის, ნიდერლანდებისა და ბოსნიის ნაკრებების კონკურენციას ეცდება.

E ჯგუფი

შვედეთი, ნიდერლანდები, ბოსნია, საქართველო

საქართველოს ნაკრების ჯგუფური ეტაპის მატჩები მანჰაიმში ჩატარდება. ტიტე კალანდაძის გუნდის კალენდარიც ცნობილია:

11 იანვარი: ნიდერლანდები - საქართველო

13 იანვარი: საქართველო - შვედეთი

15 იანვარი: ბოსნია - საქართველო

სხვა ჯგუფები შემდეგნაირად დაკომპლექტდა:

A ჯგუფი

საფრანგეთი, გერმანია, ჩრდ. მაკედონია, შვეიცარია

B ჯგუფი

ესპანეთი, ავსტრია, ხორვატია, რუმინეთი

C ჯგუფი

ისლანდია, უნგრეთი, სერბეთი, მონტენეგრო

D ჯგუფი

ნორვეგია, სლოვენია, პოლონეთი, ფარერები

F ჯგუფი

დანია, პორტუგალია, ჩეხეთი, საბერძნეთი

თითოეული ჯგუფიდან მეორე ჯგუფურ ეტაპზე საუკეთესო ორ-ორი გუნდი გავა და ევროპის ჩემპიონის ტიტულისთვის ბრძოლას გააგრძელებენ.

შეგახსენებთ, რომ ევროპის ჩემპიონატი 10-28 იანვარს გერმანიაში ჩატარდება. ტურნირს 6 ქალაქი, დიუსელდორფი, კიოლნი, ბერლინი, ჰამბურგი, მანჰაიმი და მიუნხენი უმასპინძლებს.