მსოფლიო ჩემპიონატზე გუშინ საქართველოს კალათბურთელთა ნაკრების მეტოქეები გაირკვა, დღეს კი ცნობილი გახდა, თუ რა დღეებში ჩაატარებენ ქართველი კალათბურთელები თავიანთ შეხვედრებს.
ილიას ზუროსის გუნდი იაპონიაში, კერძოდ ოკინავაში ითამაშებს და პირველ მატჩს, 26 აგვისტოს კაბო ვერდეს წინააღმდეგ გამართავს. 1 დღის შესვენების შემდეგ კი უკვე 28-ში სლოვენიას დაუპირისპირდება, ხოლო ჯგუფურ ეტაპს ჩვენი გუნდი 30 აგვისტოს, ვენესულეასთან თამაშით დაასრულებს.
შეგახსენებთ, რომ საქართველოს ნაკრები პლანეტის პირველობაზე ისტორიაში პირველად გამოდის. მსოფლიო ჩემპიონატი კი 25 აგვისტოდან 10 სექტემბრის ჩათვლით სამ ქვეყანაში, იაპონიაში, ფილიპინებსა და ინდონეზიაში გაიმართება.
