ირმა ხეცურიანი საფრანგეთის მსოფლიო თასის გათამაშების ოქროს მედლის მფლობელია.

ეტლით ფარიკაობაში მიმდინარე მსოფლიო თასზე ქართველმა პარამოფარიკავემ ხმლით ფარიკაობაში პირველობა არავის დაუთმო. მან ნახევარფინალში ჩინელი მოწინააღმდეგე ანგარიშით 15:2 დაამარცხა, ფინალურ ასპარეზობაში კი ტაილანდელ საისუნ იანას 15:12 მოუგო და ოქროს მედლის მფლობელი გახდა.

ამავე ტურნირზე ნინა თიბილაშვილი და გვანცა ზადიშვილი განაგრძობენ ბრძოლას მაღალი სინჯის მედლების მოსაპოვებლად.