„მილანის“ მცველმა ტეო ერნანდესმა „ნაპოლისთან“ მატჩის წინ პრესკონფერენციაზე ისაუბრა. როგორც მან თქვა, ვიქტორ ოსიმენის გარეშეც მეტოქე ძლიერია და ნიგერიელის არყოფნა არაფერს შეცვლის.

„ვფიქრობ, რომ მილანში ჩემი კარიერის ყველაზე მნიშვნელოვანი თამაშია. არ ვფიქრობ, რომ ჩემპიონატში 4:0 მოგებული შეხვედრა ამ თამაშზე გავლენას მოახდენს. განსხვავებული თამაში იქნება, ნაპოლი ძლიერია, მაგრამ ჩვენ კარგად მოვემზადეთ. ოსიმენის არყოფნა ჩვენთვის არაფერს შეცვლის, ნაპოლის ბევრი კარგი ფეხბურთელი ჰყავს. ჩემპიონთა ლიგის მოგება შეგვიძლია, მაგრამ ჯერ მხოლოდ ხვალინდელ თამაშზე ვფიქრობთ. ის უნდა გავაკეთოთ, რაც ვიცით, კარგად ვიმუშავეთ, მომავალში არავინ იცის რა მოხდება, მხოლოდ ხვალინდელ მატჩზე ვფიქრობთ“, - თქვა ერნანდესმა.

შეგახსენებთ, რომ „მილანისა“ და „ნაპოლის“ მატჩი 12 აპრილს, თბილისის დროით 23:00 საათზე გაიმართება.