იაპონიის ქალაქ საიტამაში სპორტული წყვილების მოკლე პროგრამით მსოფლიოს 2023 წლის ჩემპიონატი ოფიციალურად გაიხსნა, პირველივე დღეს კი საქართველოს ნაკრებიდან ლუკა ბერულავამ და კარინა საფინამ იასპარეზეს.



23 მონაწილე სპორტული წყვილიდან 20-მა მოიპოვა თავისუფალ პროგრამაში გამოსვლის უფლება, მათ შორის კი მოხვდა ქართული წყვილიც.

თავისუფალი პროგრამის წინ ჩვენი მოციგურავეები კარინა საფინა და ლუკა ბერულავა 60.98 ქულით მე_14 ადგილზე იმყოფებიან, თუმცა მათი გამოსვლა ნამდვილად არ ტოვებდა კმაყოფილების საბაბს. ამის მიზეზი, დიდწილად ტრავმიანობა და საერთაშორისო ტურნირზე ასპარეზობის ნაკლებობა იყო.

ქართულმა წყვილმა გასულ წელს, მსოფლიო ჩემპიონატზე ისტორიული, მე-4 შედეგი დააფიქსირა.

სპორტულ ცეკვებში მოკლე პროგრამის შემდეგ პირველ ადგილს იაპონელები, რიკუ მიურა და რიუიჩი კიჰარა იკავებენ. მეორე ადგილზე აშშ-ს წარმომადგენლები, მესამეზე კი იტალიელები არიან.

ლუკა ბერულავა და კარინა საფინა უკვე 23 მარტს, თბილისის დროით 07:15 საათზე თავისუფალ პროგრამაში იასპარეზებენ. ისინი მე-2 ჯგუფში მე-7 ნომრად არიან განთესილები.