„მერსედესის“ ფორმულა 1-ის გუნდის ტექნიკური დირექტორი მაიკ ელიოტი ამბობს, რომ გერმანულ გუნდს იოლად შეუძლია ეგრეთ წოდებული „ნულოვანი რადიატორების“ შეცვლა. უფრო მეტიც, ის დასძენს, რომ მზადების პროცესშია ახალი, „ძალიან განსხვავებული“ რადიატორების კორპუსები.

ბაჰრეინში ელიოტს ჰკითხეს, არის თუ არა „ნულოვანი გვედითი კორპუსები“ W14-ის კონცეპციის განუყოფელი ნაწილი და შესაძლებელია თუ არა მისი „იოლად“ შეცვლა, რაზეც მან უპასუხა:

„ჩვენ ამაზე უკვე ვილაპარაკეთ. ჩვენ ბევრი ვიმუშავეთ იმისთვის, რომ რამდენიმე გადაწყვეტა მოგვემზადებინა. შარშანვე ორი ვარიანტი გვქონდა და არჩევანი „ნულოვან გვერდით კორპუსებზე“ შევაჩერეთ. როგორც ტოტო ვოლფმა თქვა, განსხვავებული კონცეპცია უკვე მზადდება და მას მალე ვიხილავთ. ის არ იქნება ისეთი, როგორიც სხვებს აქვთ. ეს განსხვავებული რამ იქნება“.

კითხვაზე, ახალი გვერდითი კორპუსები იქნება ახლანდელის შეცვლილი ვერსია, თუ რადიკალურად განსხვავებული, ელიოტი პასუხობს:

„ეს უბრალოდ, განვითარების ნაწილია. ჩვენ ძალიან განსხვავებულ გვერდით კორპუსებს ვამზადებთ, ხაზს ვუსვამ, ძალიან განსხვავებულს. ამას დრო სჭირდება. შესაცვლელი იქნება ძირი, რომელიც ამ კორპუსების ძირშია. ასე რომ, სიახლეს ნახავთ, როგორც კი შევძლებთ“.

ელიოტი დასძენს, რომ სიახლეებზე მუშაობის პროცესში, დიდი შეზღუდვაა ის, რომ მათი ტესტირება შეზღუდულია. ასევე შეზღუდულია კონსტრუქციებში ცვლილების შეტანა. და რა თქმა უნდა, ეს პრობლემას ქმნის.