საქართველოს წყალბურთელთა ნაკრებმა მსოფლიო თასის საკვალიფიკაციო ეტაპზე ასპარეზობა დაიწყო, რომელსაც მონტენეგრო მასპინძლობს.

დეიან სტანოევიჩის გუნდმა პირველი შეხვედრა სწორედ მასპინძელი მონტენეგროს წინააღმდეგ ჩაატარა და დრამატულ ბრძოლაში 12:13 დამარცხდა.

საქართველოს ნაკრებმა უპირატესობა პირველივე პერიოდში მოიპოვა და 3:1 დაწინაურდა. ორბურთიან უპირატესობას ქართველი წყალბურთელები მესამე პერიოდამდე ინარჩუნებდნენ, მაგრამ მესამე პერიოდის 0:3 წაგების შემდეგ მონტენეგრო დაწინაურდა.

შეხვედრა ძალიან ახლოს იყო ფრესთან, მაგრამ საფინალო სირენამდე 8 წამით ადრე მონტენეგრომ გამარჯვების მომტანი გოლი გაიტანა და 13:12 მოიგო.

საქართველოს ნაკრები B ჯგუფში ასპარეზობს და მეორე ტურის მატჩს 9 მარტს, ავსტრალიასთან ჩაატარებს. ჯგუფში ასევე არიან სერბეთი, ესპანეთი და საბერძნეთი. ექვსი გუნდიდან საუკეთესო სამეული ასპარეზობას პლეი-ოფში გააგრძელებს.

მონტენეგრო - საქართველო 13:12 (1:3, 5:5, 3:0, 4:4)