ვეტერანმა იტალიელმა ფეხბურთელმა მასიმო მაურომ განაცხადა, რომ ხვიჩა კვარაცხელია გასაოცარი ბიჭია, რომელსაც საუკეთესოობა შეუძლია. თუმცა, ფიქრობს, რომ „ოქროს ბურთის“ მოსაგებად კვარას სათამაშო პოზიცია ხელს არ უწყობს.
„კვარაცხელიას „ოქროს ბურთი“? სათამაშო პოზიცია ხელს არ უწყობს. ეს ასევე დამოკიდებულია იმაზე, რამდენ გოლს გაიტანს. ამ ჯილდოს მოსაგებად საჭიროა ლიდერიც იყო. ვნახოთ, მაგრამ უნდა ითქვას, რომ ასაკი მას ხელს უწყობს. გასაოცარი ბიჭია, რომელსაც კიდევ უფრო აფეთქება და ევროპაში ერთ-ერთ საუკეთესოდ გახდომა შეუძლია“, - თქვა მაურომ.
შეგახსენებთ, ხვიჩა კვარაცხელიას შესახებ ვიქტორ ოსიმენმა თქვა, რომ მომდევნო წლებში ქართველს „ოქროს ბურთის“ მოგება შეუძლია.
