„ნაპოლის“ ნახევარმცველმა ანდრე-ფრანკ ზამბო ანგისამ Bein Sports-ს ინტერვიუ მისცა, რომელშიც საჩემპიონო შანსებსა და ჩემპიონთა ლიგაზე ისაუბრა. როგორც კამერუნელმა ფეხბურთელმა თქვა, თუ სკუდეტოს წელს ვერ მოიგებენ, ეს სრული კრახი იქნება.
„სკუდეტოს თუ ვერ მოვიგებთ, ეს სრული კრახი იქნებოდა. არა, ეს შეუძლებელია, ამის წარმოდგენაზეც კი უარს ვამბობ, არ მინდა, ამაზე ვიფიქრო. ამიტომ, ყველაფერს გავაკეთებთ ჩემპიონობისთვის და საიმისოდ, რომ ეს ჩვენი სეზონი იყოს.
„მეტოქეების მატჩებს დიდად არ ვუყურებ, არ მინდა, წინასწარ ვნახო, როგორ თამაშობენ ისინი, მირჩევნია, უშუალოდ მოედანზე გამოვცადო ყველაფერი, მაგრამ „აინტრახტის“ რამდენიმე თამაში ვნახე, შესანიშნავი გუნდია, რომელიც დიდი ინტენსივობით თამაშობს. არ მიკვირს, რომ ისინი ჩემპიონთა ლიგის მერვედფინალში არიან.
ჩვენს გუნდში არავინაა ლიდერი, არ არსებობს ეგო. ყველანი გუნდურად ვმოქმედებთ და ახლა ჩემპიონთა ლიგაზე ვართ კონცენტრირებული. სპალეტი? არცერთ მწვრთნელს მოუცია ჩემთვის იმდენი, რამდენიც მან, ადამიანურ დონეზეც“, - თქვა ანგისამ.
