დაბა ბაკურიანში საზეიმოდ გაიხსნა მსოფლიოს ჩემპიონატი სნოუბორდში, ფრისტაილში და ფრისკიში, რომელსაც ესწრებოდნენ სეოკ-ის პრეზიდენტი ლერი ხაბელოვი და 2025 წლის ევროპის ზამთრის ახალგაზრდული ოლიმპიური ფესტივალის საორგანიზაციო კომიტეტის თავმჯდომარე მამუკა ხაბარელი.

გახსნის საზეიმო ცერემონიაში საქართველოს ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, საქართველოს ვიცე-პრემიერი, კულტურის, სპორტისა და ახალგაზრდობის მინისტრი თეა წულუკიანი, ბაკურიანი 2023-ის მთავარი სპონსორის, სილქ როუდ ჯგუფის სამეთვალყურეო საბჭოს თავმჯდომარე გიორგი რამიშვილი და თხილამურობის საერთაშორისო ფედერაციის გენერალური მდივნის მოადგილე ნიკლას კარლსონი მონაწილეობდნენ.

აღნიშნულ მსოფლიო ჩემპიონატში 42 ქვეყნის 700-მდე სპორტსმენი იღებს მონაწილეობას. აღსანიშნავია, რომ სპორტის ზამთრის სახეობებში საქართველო მსგავსი მასშტაბის სპორტულ ღონისძიებას პირველად მასპინძლობს.

GEONOC.ORG.GE