ცნობილმა იტალიურმა გამოცემა Gazzetta Dello Sport-მა დაწერა, რომ ხვიჩა კვარაცხელიასა და ვიქტორ ოსიმენის წყვილი უკეთესია, ვიდრე დიეგო მარადონასა და კარეკას დუეტი იყო, რომელმაც „ნაპოლის“ ბოლო სკუდეტო მოაგებინა (1990 წელს).

„ტუზი წყვილი! კვარაცხელია და ოსიმენი შეუდარებლები იყვნენ, როგორიც მარადონა და კარეკაც არ ყოფილან. თუმცა, მცველის, რაჰმანის გოლი ადასტურებს გუნდის ხარისხს და ელმასის გოლი ამტკიცებს, რომ ალტერნატივებიც კი ბრწყინავს. „ნაპოლი“ არასდროს ყოფილა ასე ახლოს თავის ოცნებასთან, არა მხოლოდ დიდი უპირატესობის გამო (+10 ქულა), არამედ იმიტომ, რომ სიმწიფის ძლიერი მტკიცებულება წარმოაჩინა“, - წერს Gazzetta Dello Sport-ი.

შეგახსენებთ, ხვიჩა კვარაცხელიამ „იუვენტუსთან“ გოლი გაიტანა და ორი საგოლე პასი გააკეთა. ქართველი ფეხბურთელის აქტივში ყველა ტურნირზე მიმდინარე სეზონში 20 მატჩში 9 გოლი, 10 საგოლე პასი და 3 მოპოვებული პენალტია.

„ნაპოლი“ სერია A-ს 47 ქულით ლიდერობს და მომდევნო ტურში 21 იანვარს, „სალერნიტანას“ ესტუმრება, თუმცა მანამდე იტალიის თასზე „კრემონეზეს“ უმასპინძლებს.