„პარი სენ ჟერმენი“ საფრანგეთის ლიგა 1-ის ზამთრის შესვენების პერიოდში ამხანაგური მატჩის გამართვას აპირებს.
ჟურნალისტი აშრაფ ბე აიადი იტყობინება, რომ საუდის არაბეთის ორ კლუბს, „ალ ჰილალსა“ და „ალ-ნასრს“ პსჟ-სთან ამხანაგური თამაშის ჩატარება გაერთიანებული შემადგენლობით სურთ.
მოლაპარაკებები წარმატებით თუ დასრულდება, ამხანაგური მატჩი 19 იანვარს, რიადში უნდა გაიმართოს.
ვინაიდან „ალ-ნასრს“ ახლახან კრიშტიანუ რონალდუ შეუერთდა, შესაძლებელია, რომ ლიონელ მესისა და მისი დაპირისპირება კიდევ ერთხელ შედგეს - ამჯერად უკვე ამხანაგურ თამაშში.
