„ბარსელონას“ პრეზიდენტმა ჟოან ლაპორტამ ფრენკი დე იონგის გაყიდვა გამორიცხა, მიუხედავად იმისა, რომ ნიდერლანდელ ფეხბურთელს კარგა ხანია სხვადასხვა კლუბებს უკავშირებენ.

„არასოდეს მქონია დე იონგის გაყიდვის სურვილი. ის ჩვენი ერთ-ერთი დასაყრდენი მოთამაშე, ტალანტი და უკვე გუნდის ერთ-ერთი ლიდერია“, - თქვა ლაპორტამ.

შეგახსენებთ, რომ ფრენკი დე იონგი „ბარსელონაში“ 2019 წლიდან თამაშობს და მიმდინარე სეზონში მან 27 შეხვედრაში თავი 1 გოლით და 3 საგოლე პასით გამოიჩინა.