NHL-ის ვარსკვლავმა, ალექსანდრ ოვეჩკინმა ,,ჩიკაგო ბლექჰოქსის" წინააღმდეგ მატჩში კარიერაში 29-ე ჰეთ-თრიქი შეასრულა, რითაც თავისი 798-ე, 799-ე და მე-800 გოლები გაიტანა.



,,ვაშინგტონ კეპიტალსმა" ,,ჩიკაგო ბლექჰოქსი" 7:3 დაამარცხა, ამ მატჩში კი ოვეჩკინმა თავი 3 გოლით გამოიჩინა და უეინ გრეცკის რეკორდს კიდევ უფრო მიუახლოვდა. NHL-ის ყველა დროის საუკეთესო ბომბარდირს და ერთ-ერთ საუკეთესო მოთამაშეს კარიერაში 894 გოლი აქვს გატანილი.

ოვეჩკინი მომდევნო გოლით ბომბარდირთა დავაში მეორე ადგილზე მყოფ გორდი ჰაუს გაუთანაბრდება, რომლის ანგარიშზეც 801 გოლია. რუსი ჰოკეისტი 37 წლისაა, ამ სპორტში კი ბევრად უფრო დიდი ასაკის მოთამაშეებიც გვინახავს, შესაბამისად, თუ ოვეჩკინი ამ დონეზე თამაშს განაგრძობს, გრეცკის რეკორდს საფრთხე ძალიან მალე დაემუქრება.

,,ვაშინგტონ კეპიტალსმა" სეზონში მე-14 გამარჯვება მოიპოვა და აღმოსავლეთ კონფერენციის მე-9 პოზიციას იკავებს.