„დინამო თბილისმა“ ჩემპიონთა ლიგაზე მორიგი, მესამე ტურის მატჩი ჩაატარა და სტუმრად ბერძნულ „ვოულიაგმენისთან“ 7:12 წააგო.

მასპინძლებმა გადამწყვეტი უპირატესობა შეიძლება ითქვას პირველივე პერიოდში მოიპოვეს, რომელიც 6:2 მოიგეს და შემდეგ ეს ხელიდან აღარ გაუშვიათ. „დინამომ“ მხოლოდ მეორე ტაიმში შეძლო მეტოქესთან თანაბრად თამაში და არც მესამე პერიოდი წააგო (1:1), ხოლო მეოთხე სულაც მოიგო (3:2). ეს საბოლოო წარმატებისთვის საკმარისი არ გამოდგა.

შედეგად, ზედიზედ მესამე მარცხი და „დინამო თბილისი“ მოგების გარეშე A ჯგუფში ბოლო, მერვე ადგილზეა, მომდევნო შეხვედრას კი 20 დეკემბერს, სტუმრად „იადრანთან“ გამართავს.