ლეგენდარულმა იტალიელმა ფეხბურთელმა ფრანჩესკო ტოტიმ ნახევრად ხუმრობით განაცხადა, რომ იტალიელები მსოფლიოს ჩემპიონატს მიღმა ყოფნას უკვე მიეჩვივნენ.

„სამწუხაროა, რომ მსოფლიოს ჩემპიონატზე ვერ გავედით. არა მხოლოდ ახლა, არამედ ეს წინაზეც ვერ გავაკეთეთ, უკვე მივეჩვიეთ (იღიმის - რედ). იტალიის ნაკრებთან წარუშლელი მოგონებები მაკავშირებს. არ შემიძლია დავივიწყო ის მომენტი, როდესაც მსოფლიოს ჩემპიონატი მოვიგეთ, მიუხედავად იმისა, რომ დიდი დრო გავიდა“, - თქვა ტოტიმ.

შეგახსენებთ, რომ ფრანჩესკო ტოტი იტალიის ნაკრებში 1998-2006 წლებში თამაშობდა და 58 მატჩში 9 გოლი გაიტანა. ის 2006 წელს მსოფლიოს ჩემპიონი გახდა და სწორედ მუნდიალის შემდეგ 30 წლის ასაკში „სკუადრა აძურა“ დატოვა.