უეინ რუნიმ კრიშტიანუ რონალდუზე კიდევ ერთხელ ისაუბრა და ამჯერად ყოფილი თანაგუნდელის განცხადებას უპასუხა.
რონალდუმ ინტერვიუში თქვა, რომ რუნი იმიტომ აკრიტიკებს, რომ მან კარიერა დაასრულა, ხოლო თავად ისევ მაღალ დონეზე თამაშობს, მიუხედავად იმისა, რომ ასაკით თანატოლები არიან. ინგლისელი პორტუგალიელის ამ კომენტარს შემდეგნაირად გამოეხმაურა:
„ყოველთვის ვამბობდი, რომ კრიშტიანუ ფანტასტიკური ფეხბურთელია. ის და მესი ალბათ ფეხბურთის ისტორიაში საუკეთესოები არიან და მე მას არ ვაკრიტიკებ. თუმცა ასაკი ყველას ემატება და რონალდუს ამ რეალობასთან შეგუება უჭირს“, - თქვა რუნიმ.
შეგახსენებთ, კრიშტიანუ რონალდუ და უეინ რუნი 2004-2009 წლებში „მანჩესტერ იუნაიტედში“ თანაგუნდელები იყვნენ.
