ინგლისური „ლივერპულისთვის“ მიმდინარე სეზონი მძიმედ დაიწყო და ყველაფერს საკადრო პრობლემებიც დაემატა.

ბრიტანული მედიის ინფორმაციით, იურგენ კლოპს მცველები, ჟოელ მატიპი და ტრენტ ალექსანდერ-არნოლდი გამოაკლდნენ. კამერუნელი ფეხბურთელი სავარაუდოდ 3 კვირა ვერ ითამაშებს, ხოლო ინგლისელი მცველი - 2 კვირა.

მანამდე „ლივერპულმა“ კოლუმბიელი შემტევი ლუის დიასიც დაკარგა, რომელიც გუნდს მხოლოდ მსოფლიოს ჩემპიონატის შემდეგ, დეკემბრის ბოლოს ან იანვრის დასაწყისში დაუბრუნდება.

შეგახსენებთ, რომ „ლივერპული“ პრემიერლიგაში 8 თამაშში მოპოვებული 10 ქულით მეათე ადგილზეა და ლიდერ „არსენალს“ 14 ქულით ჩამორჩება.