იტალიელმა ჟურნალისტმა მარიო სკონჩერტიმ განაცხადა, რომ იტალიის სერია A-ს განვლილი რვა ტურის მიხედვით ყველაზე გადამწყვეტი მოთამაშეები ხვიჩა კვარაცხელია და რაფაელ ლეაო არიან.

მან ქართველი ფეხბურთელის შესახებ ვრცლად ისაუბრა და ისეთ ფეხბურთელებს შეადარა, როგორებიც ჯორჯ ბესტი და ჯიჯი მერონი იყვნენ.

„ლეოა და კვარაცხელია განვლილი 8 ტურის განმავლობაში ყველაზე გადამწყვეტი მოთამაშეები იყვნენ. კვარა გამხდარია, მოქნილი, ფინტებით ყოველთვის სივრცეს ეძებს, დრიბლინგებში ყოველთვის არაპროგნოზირებადია. კვარა უფრო კლასიკური მოთამაშეა, უფრო ტიპური, მე ვიტყოდი, უფრო ევროპული. ის არის ისეთი სტილის ფეხბურთელი, რაც უკვე ვნახეთ ჯიჯი მერონის, ჯორჯ ბესტისა და სხვა მსგავსი მოთამაშეებისგან. ყოველთვის გაოცებული რჩები მისი თამაშით. ლეაო იტალიაში მესამე სეზონს ატარებს და პროგრესირებას აგრძელებს, ხოლო კვარამ უფრო სწრაფად შეძლო ადაპტირება, მისი ევოლუციის პროგნოზირება რთულია. მას შინაგანად აქვს რაღაც განსაკუთრებული, რაც ჯერ ვერ აღმოვაჩინეთ“, - თქვა სკონჩერტიმ.