იტალიელმა ჟურნალისტმა და სატრანსფერო ექსპერტმა ალფრედო პედულამ ხვიჩა კვარაცხელიაზე ისაუბრა და „ნაპოლის“ ხელმძღვანელობა შეაქო.

პედულა ფიქრობს, რომ კვარაცხელიას ტრანსფერი ბოლო 15 წელიწადში საუკეთესოა:

„ნაპოლის“ ახალწვეულები ძალიან კარგად თამაშობენ და კლუბის ხელმძღვანელობა შექებას იმსახურებს. პირველ რიგში კვარაცხელიას ვგულისხმობ. ქართველი თავის შესაძლებლობებთან შედარებით ძალიან იაფად იყიდეს და ხელფასიც მილიონ ევროზე ოდნავ მეტი აქვს. ჩემი აზრით, ეს იყო ბოლო 15 წლის განმავლობაში საუკეთესო ტრანსფერი. ყოჩაღ კრისტიანო ჯუნტოლის, რომელმაც სხვა გუნდების კონკურენციაშიც კი მისი დაბევება სატრანსფერო ფანჯრის გახსნამდე მოახერხა“, - თქვა პედულამ.

შეგახსენებთ, რომ ხვიჩა კვარაცხელიამ „ნაპოლის“ მაისურით ჩატარებულ 6 მატჩში 4 გოლის გატანა და 2 საგოლე პასის გაკეთება შეძლო.