ევროპის 2022 წლის ჩემპიონატის პირველ ტურში საბერძნეთის ნაკრები მილანში ხორვატიას დაუპირისპირდა და დაძაბულ ბრძოლაში 89:85 დაამარცხა.

დიმიტრის იტუდისის გუნდმა უპირატესობა პირველივე პერიოდიდან მოიპოვა და მატჩის ბოლომდე ის ხელიდან არ გაუშვია, თუმცა იოლად ნამდვილად ვერ მოიგო. ხორვატიამ მესამე პერიოდის მეორე ნაწილიდან ანგარიშის შემცირება დაიწყო და მატჩის ბოლო წუთზე ჩამორჩენა მხოლოდ 2 ქულა იყო.

თუმცა, სწორედ გარდამტეხ მომენტში იფეთქა იანის ანტეტოკუნმპომ, რომელმაც თავისი გუნდის ბოლო ორ შეტევაში 5 ქულა ჩააგდო, ხოლო ხორვატების სამქულიანი სროლა დააფარა და გამარჯვებაში უდიდესი წვლილი შეიტანა.

იანისი 28 წუთში მოპოვებული 27 ქულით, 11 მოხსნით, 6 პასით და 3 დაფარებით მატჩის საუკეთესო მოთამაშე იყო, თუმცა, არც ტაილერ დორსი გარჯილა ურიგოდ, რომელმაც ასევე 27 ქულა მიითვალა. ხორვატიის ნაკრებში ჯალენ სმიტი 23 ქულით, კრინოსლავ სიმონი 18 ქულით და ბოიან ბოგდანოვიჩი 19 ქულით გამოირჩნენ.

ამრიგად, საბერძნეთმა ევრობასკეტი მოგებით დაიწყო და მეორე ტურში 3 სექტემბერს იტალიას შეხვდება, ხოლო ხორვატიას დიდ ბრიტანეთთან თამაში მოუწევს.

ხორვატია - საბერძნეთი 85:89 (16:24, 14:22, 32:24, 23:19)